هل تعمد بيراميدز استفزاز الأهلي في فيديو تقديم حامد حمدان؟
أثار الإعلان التشويقي لصفقة انتقال الفلسطيني حامد حمدان، لنادي بيراميدز جدلًا كبيرًا بعد أقل من ساعة على نشره.
وانضم حامد حمدان لصفوف فريق بيراميدز خلال فترة الانتقالات الشتوية الجارية والخاصة بموسم 2025-2026، قادمًا من نادي بتروجت.
وكان اسم حامد حمدان ارتبط بالانتقال للأهلي أو الزمالك خلال الفترة الماضية، قبل أن يدخل بيراميدز مؤخرًا في المفاوضات ويحسم الصفقة لصالحه.
بيراميدز يستفز الأهلي في صفقة حامد حمدان بالذكاء الاصطناعي
واستخدم نادي بيراميدز أحد أدوات الذكاء الاصطناعي للإعلان عن صفقة حامد حمدان في صورة محادثة بين اللاعب والأداة.
وأثناء الفيديو التشويقي، قال حمدان: “أنا عندي ليك تحدي، أنا مضيت في فريق جديد وعايزك تعرف مين هو، وريني بقى الذكاء الاصطناعي بتاعك”.
ورد الذكاء الاصطناعي: “طيب سهلها شوية أو إديني Hint عن النادي ده”، ليجيب حمدان: “النادي ده كسب دوري أبطال إفريقيا”.
وردت أداة الذكاء الاصطناعي: “في 4 أندية كسبوا دوري أبطال إفريقيا، سهلها شوية”، ثم رد حمدان: “طيب هسلهالك، النادي ده كسب 3 بطولات قارية في سنة واحدة”، ليحصل على الرد الآتي: “انت كده أكيد تقصد نادي بيراميدز النادي الوحيد اللي عمل كده!”، في إشارة لعدم قدرة الأهلي “أكثر الأندية المصرية تتويجًا بالألقاب الإفريقية” على الفوز بـ 3 ألقاب قارية في موسم واحد.
وأنهى حمدان: “بالظبط! أنا هبعتلك صورتي وأنا في نادي من 7 سنين، ممكن تعملي صورتي بتيشيرت النادي اللي انت عرفته ده”، وأجابته أداة الذكاء الاصطناعي: “بس كده! هعملك حاجة أحسن حالًا”.
وبعد انتهاء المحادثة الافتراضية بين حمدان وأداة الذكاء الاصطناعي، ظهر اللاعب بقميص بيراميدز معلنًا انضمامه للفريق: “من أرض العزة، إلى أرض الحضارة.. حامد حمدان في بيراميدز”.
