خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 27 – أسطورة دفاع ميختلفش عليها اتنين
View this post on Instagram
أسطورة دفاع ميختلفش عليها اتنين
بياخدو رأيي في مدافعين مع إني مبطل من سنين
لو راجل عدي وده مش تهويش على فكرة
واسأل أي مهاجم ليه معايا كذا ذكرى
سايب بصمتي ومعروف ديمًا بالرجولة
كسبت مع فريقي كل حاجة مسبتش ولا بطولة
إبني مكمل مسيرتي بس في مركز مختلف
أدزوري طبعًا بس لسه معملش حاجة مع المنتخب
معروف بالاحترام والكل بيحترمني منا هيبة بردو
عمر ما أي مذيع قالي منتج يا باولو
إجابة الفازورة 27 – نجمنا هو الأسطورة الإيطالي مالديني
أسطورة إيطاليا السابق ولاعب ميلان باولو مالديني هو نجم فازورة النهارده من فوازير رمضان 2024
اشتهر مالديني بالقوة والصلابة في قلب دفاع ميلان والمنتخب الإيطالي، حصل على شعبية كبيرة في الملاعب الإيطالية استمرت لسنوات طويلة.
ويعتبر مالديني أحد أفضل المدافعين عبر التاريخ وواحد من أعظم اللاعبين في تاريخ كرة القدم، ومن أشهر ما أطلق عليهم لقب ” الكابيتانو”.
حقق مالديني الرقم القياسي لأكثر من شارك في الدوري الإيطالي بمشاركته في 647 مباراة حتى عام 2020.
قضى مالديني كل مواسمه الـ 25 خلال مسيرته في الدوري الإيطالي مع ميلان، قبل أن يعتزل في سن 41 عام 2009.
فاز مع ميلان بـ25 بطولة، دوري أبطال أوروبا خمس مرات، سبعة ألقاب في الدوري الإيطالي، وواحد كأس إيطاليا، وخمسة ألقاب كأس السوبر الإيطالي، وخمسة ألقاب في كأس السوبر الأوروبي، ولقبين كأس الإنتركونتيننتال، ولقب كأس العالم للأندية.
