خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 23 – سامبا اصلي مش مضروب
حريف ومهاري ويرقص أي مٌدافع
سامبا أصلي يعني مش مضروب
ولو عدى منك هيرجعلك ويرقصك تاني
مش فاضي لا .. بس اللي بيعمله دايمًا مش مفهوم
قائد منتخبه دلوقتي مع إنه مينفعش
لو عنده عيدميلاد هيقولك مش فاضي وممكن ميرجعش
إصابات كتير ومينفعش يشيل فريق لوحده
فرحان إنك خرجت من ضله؟ طب مانت معملتش حاجة من بعده
التاريخ كده كده هيفتكركك أنت لاعب متتنسيش
بس كان ممكن يفتكرك أحسن وتنافس الأساطير
إجابة فازورة 23 رمضان – نجمنا هو نيمار دا سيلفا
نيمار دا سيلفا نجم البرازيل والهلال، هو نجم فازورة النهارده من فوازير رمضان.
لا خلاف على موهبة نيمار في عالم كرة القدم على مر التاريخ.
وقد تكون النسخة الأفضل لنيمار هي تلك الي رأيناها مع برشلونة.
كما أنه ظل متألقا مع منتخب البرازيل وعنصر أساسي إلى أن حمل شارة السامبا.
واشتهرت واقعة شهيرة عن نيمار في السنوات الماضية وهي إدعائه الإصابة لعدم المشاركة في المباريات وحضور حفل عيد ميلاد شقيقته.
وبالطبع الجميع يتذكر قرار نيمار بمغادرة برشلونة والانضمام لباريس سان جيرمان للخروج من ظل ميسي.
ولكن الأمور لم تسير على ما يرام مع نيمار في باريس.
وقرر نجم السامبا الانتقال إلى الهلال السعودي.
ولكن المفاجأة تعرضه إلى إصابة أنهت موسمه مع الفريق.
ولم تقدم تلك الموهبة كل ما تنبأ لها في بداية مشواره.
