أخبار365TOPتقارير ومقالات خاصة
الأكثر تداولًا

فوازير رمضان 19 – الحضري بكل قوته مسلمش من ضربته

خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.

وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.

نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.

فوازير رمضان 19 – الحضري بكل قوته مسلمش من ضربته

مع الفريق الأول في أول ظهور

نزل من على الدكة وجاب جول

وفي البعثة الخارجية لأسبانيا

قدام الملكي قالوا مستواه في حتة تانية

مشرّف بلده في كاس العالم

بيسجل كل ما بيشارك

معاك ميسي رونالدو ولا نيمار؟

بردو قدام إعصاري هتنهار

هخلط بسرعة ومش هتلحق تاخد قرار

الحضري بكل قوته مسلمش من ضربته

ما الأهداف الحلوة العالمية لعبته

اللون الأزرق انتماؤه الوحيد

لإنه مش مجرد نجم

دة هلال في سماء المجد نوره بيقيد

ومكانه في التشكيلة مفيش غنى عنه أكيد

عرفت أنا أقصد مين؟

حل فازورة 19 رمضان – نجمنا هو سالم الدوسري

سالم الدوسري لاعب الهلال ومنتخب السعودية، هو نجم النهارده من فوازير رمضان 2024.

يعتبر سالم الدوسري من ناشئين الهلال منذ الصغر.

وبدأ سالم الدوسري مسيرته مع الفريق الأول بالهلال في 2011.

وفي 2018 خرج سالم الدوسري إلى إسبانيا معارا لفريق فياريال وقدم مستوى مميز جدا.

وعاد سالم الدوسري مرة أخرى للهلال مع تطور كبير في مستواه وتسجيله أهداف حاسمة.

ونفس الحال كان مع منتخب السعودية الي تألق معاه بشكل كبير جدا.

وسجل الدوسري أهداف مميزة مع السعودية في مونديال 2022 في قطر.

وحصد جائزة أفضل لاعب في آسيا 2023 عن جدارة.

وأيضا تألق الدوسري مع المنتخب في كأس آسيا 2023، رغم التوديع المخيب.

ولا زال الجميع يتوقع لصاحب الـ 32 سنة تألق أكتر الفترة المقبلة.

خاصة وأنه يعتبر أحد أسباب اقتراب فريقه من حصد الدوري السعودي هذا الموسم.